Сувилахуйн сургууль

Сувилагч нь түгээмэл болон зонхилон тохиолдох өвчин, эмгэгүүдийн эмчилгээ оношилгоо, урьдчилан сэргийлэх тусламж үйлчилгээнд сувилахуйн чиглэлээр анхан шатны тусламж үзүүлэх чадвартай, хүн амд эрүүл мэндийн боловсрол олгох, эрүүл мэндийг дэмжих, хамгаалах чиглэлээр сувилахуйн тусламж үйлчилгээг чанартай үзүүлэхэд шаардагдах сувилахуйн ухааны онолын мэдлэг, чадвар, хандлага эзэмшсэн мэргэжилтэн байна.

Сувилагч нь түгээмэл болон зонхилон тохиолдох өвчин, эмгэгүүдийн эмчилгээ оношилгоо, урьдчилан сэргийлэх тусламж үйлчилгээнд сувилахуйн чиглэлээр анхан шатны тусламж үзүүлэх чадвартай, хүн амд эрүүл мэндийн боловсрол олгох, эрүүл мэндийг дэмжих, хамгаалах чиглэлээр сувилахуйн тусламж үйлчилгээг чанартай үзүүлэхэд шаардагдах сувилахуйн ухааны онолын мэдлэг, чадвар, хандлага эзэмшсэн мэргэжилтэн байна.

Эрүүл жирэмслэлтийг хянах, хэвийн төрөлтийг удирдах, гэр бүл төлөвлөлтийн зөвлөгөө, тусламж үзүүлэх чадвартай, жендэрийн тэгш байдал, хүчирхийллийн эсрэг дуу хоолой болон дуугарах, өсвөр үе, зорилтот бүлэг рүү чиглэсэн БЗДХ, нөхөн үржихүйн эрхтний хавдраас урьдчилан сэргийлэх болон бусад чиглэлээр ард иргэдэд эрүүл мэндийн боловсрол олгох мэргэжилтэн юм.

Уламжлалт анагаахын сувилагч мэргэжилтэн нь өвчин эмгэг, гэмтэл бие махбодь, сэтгэцийн эмгэгээс урьдчилан сэргийлэх, оношлох, сувилах, хөдөлгөөнөөр засах, уламжлалтын 5 заслыг гардан гүйцэтгэх, ханиур, хатгуур заслын явцад уламжлалтын их эмчид туслах, заслын дараах барих гам дэглэмийн талаар зөвлөгөө өгөх, мэдлэг, чадварыг орчин үеийн анагаах ухаантай хослуулан ашиглан уламжлалт анагаах ухааны сувилахуйн тусламж үйлчилгээг үзүүлдэг мэргэжилтэн болно.

Аливаа хүн хийхийг хүссэн, хийх шаардлагатай үйлдлээ бие махбод, хөдөлгөөний чадвар алдалт, сэтгэц танин мэдэхүйн эмгэг, осол гэмтэл, төрөлхийн болон насжилттай холбоотой өөрчлөлтийн улмаас хийж чадахгүй байгаа үед үйл хөдөлмөрөөр дамжуулан үнэлгээ, эмчилгээ хийж тэднийг өдөр тутмын үйл ажиллагаандаа, амьдралдаа, нийгэмд оролцох боломжтой болгодог мэргэжил юм. Мөн түүнчлэн эрүүл хүмүүсийн хөдөлмөрийн тэнцвэрт байдлын алдагдал, амьдралын шилжилтийн үеийн хямрал, ажиллах орчны эргономик тохиргоо зэрэг олон асуудлаар үнэлгээ хийж, тусламж үйлчилгээ үзүүлдэг.

Аливаа өвчин эмгэг, хүрээлэн буй орчин, осол гэмтэл, насжилтын улмаас үүссэн бие махбодын хөдөлгөөн, үйл ажиллагааны чадвар алдагдал, амьдралын чанарыг хамгийн дээд боломжит түвшинд сэргээн тогтворжуулах, урьдчилан сэргийлэх, оношлох, эмчлэх мэргэжилтэн.

Бүх насны хүмүүсийн хэл яриа, сонсгол, хэл залгиур, нийгмийн болон танин мэдэхүйн харилцаа холбооны эмгэгийг үнэлж, оношилж, сэргээн засахын тусламж үйлчилгээ үзүүлдэг. Үйлчлүүлэгчийн хэл яриа, залгиурын болон харилцах чадварыг сайжруулахын тулд хэл заслын эмчилгээний аргуудыг ашиглан чадвар алдагдлыг бууруулдаг.